"फ्युजन"
नागपुरातील कलाकारांचा छापखाना नावाचा ग्रुप गेल्या दहा वर्षापासून दृश्य कलेमध्ये वेगवेगळे प्रयोग करत असून विविध ठिकाणी त्याच्या कार्यशाळा घेऊन प्रदर्शनी भरवत आहे. यावर्षी छापखान्याला दहा वर्षे पूर्ण झाली. त्यानिमित्त या ग्रुपने मागील एक महिन्यापासून या ग्रुप मध्ये असलेल्या सर्व चित्रकारांच्या कलाकृतींची एकल प्रदर्शनी मुंबईच्या किस्मत आर्ट गॅलरीमध्ये आयोजित केली होती. विविध शैलीमध्ये व विविध माध्यमातून काम करणाऱ्या या ग्रुपमधील चित्रकारांच्या प्रदर्शनीला उस्फुर्त प्रतिसाद मिळालेला आहे. याचाच एक भाग म्हणून या ग्रुपने समूह चित्र प्रदर्शनीचे आयोजन केलेले आहे आणि या समूह प्रदर्शनाचे उद्घाटन येत्या २५ फेब्रुवारी २०२५ ला होणार आहे.
या दहा वर्षाच्या काळात छापखान्याने कलेच्या क्षेत्रात प्रयोगशील काम केले आहे. प्रिंट, निसर्ग चित्र, टेराकोटा, तसेच स्क्रॅप- मेटल वर्कशॉप, इन्स्टॉलेशन, असेंबलांज अशा प्रयोगशील माध्यमात सुद्धा या कलाकारांनी प्रदर्शना भरवली आहे. या प्रकारे कलेला नवीन आयाम व दिशा दाखवण्याचे या ग्रुपच्या माध्यमातून सतत सुरू आहे.
या ग्रुपचे महत्त्वाचे कलाकार मिलिंद लिंबेकर यांच्या माध्यमातून या ग्रुपची स्थापना करण्यात आली. लिंबेकर हे आज भारतात आर्ट कलेक्टर, चित्रकार आणि आर्टक्युरेटर म्हणून नावारूपाला आहेत. त्यांचे भारतातील अनेक ठिकाणी चित्र प्रदर्शन सुद्धा झालेत.आज त्यांचे चित्र ऑकशन मध्ये सुद्धा पोहचली. सदानंद चौधरी नागपूर विद्यापीठात ललित कला विभागामध्ये प्राध्यापक म्हणून कार्यरत असून ते मुखवटा या विषयावर चित्रनिर्मिती करत आहे. मनुष्य आणि मुखवटा यांचा आंतरबाह्य संबंध त्यांच्या चित्रांमधून स्पष्टपणे जाणवतो.
वीरेंद्र चोपडे हे मुंबईच्या जेके अकाडमी ऑफ आर्ट अँड डिझाइन मुंबई येथे कलेचे प्राध्यापक आहेत. त्यांची चित्र ही मनाला मोहित करणारी असून सपाट रंगलेपणाच्या माध्यमातून चित्रात सहज सुंदरता दिसते. अगदी साधी सहज पद्धत पण चित्रातील अर्थपूर्ण आशय ही त्यांच्या चित्राची ताकद आहे. गुलजार यांचे एकल चित्र प्रदर्शन खूप गाजले. चंद्रशेखर तांडेकर हे नागपूरच्या आर्किटेक्चर कॉलेजमध्ये प्राध्यापक असून ते चित्रकला व प्रिंट या माध्यमातून अतिशय प्रयोगशील आणि सर्जनशील कार्य करत आहे. नुकतेच त्यांच्या चित्रांचे दुबई येथे प्रदर्शनी झाले. अभिषेक चौरसिया हे नागपूरच्या शाळेमध्ये कलाशिक्षक असून त्यांच्या चित्रात लोककला शैलीचा प्रभाव प्रामुख्याने जाणवतो. लोककलेतील चिन्हांचा चित्रामध्ये आगळ्यावेगळ्या शैलीमध्ये वापर हे त्यांच्या चित्रशैलीचे प्रमुख वैशिष्ट्य आहे. प्रिंट माध्यम आणि चित्र माध्यम यांचा सुरेल संगम त्यांच्या चित्रामध्ये दिसून येतो.
मौकतीक काटे हे शिल्पकार असून शिल्पकलेच्या भारतभर अनेक कार्यशाळान मध्ये त्यांनी सहभाग घेतला असून भारतातल्या अनेक शहरांमध्ये त्यांची शिल्प पाहायला मिळतात. शिल्पकलेच्या विविध माध्यमांमध्ये त्यांनी काम केले असून दगड या माध्यमांमध्ये शिल्प घडविण्यात त्यांना रुची आहे. मिलिंद अटकले हे शासकीय चित्रकला महाविद्यालयात प्राध्यापक असून प्रिंट माध्यमात त्यांनी अनेक प्रयोग करून प्रिंट घेतलेल्या आहे. अक्षय तिजारे हे नवोदित प्रिंट मेकर असून त्यांनीही प्रिंटमध्ये अनेक प्रयोग केलेले आहेत.लिथोग्राफी असो ईचिंग असो किंवा वूड कट असो या माध्यमांमध्ये प्रयोग करून आगळ्यावेगळ्या पद्धतीने प्रिंट कशी घेता येईल हे त्यांच्या प्रिंट चे खास वैशिष्ट्य आहे.
छापखाना या समूहाचे कला प्रदर्शन दिनांक 25 फेब्रुवारी ते 03 मार्च 2025 सकाळी 11 ते संध्याकाळी 7या वेळेत किस्मत आर्ट गॅलरी, थर्ड पास्ता लेन, कोलाबा, येथे सुरू राहील.
९ समकालीन कलाकारांच्या कलाकृतीचे प्रदर्शन
स्थळ: किस्मत आर्ट गॅलरी, कुलाबा, मुंबई.*
कालावधी :२५ फेब्रुवारी ते ३ मार्च २०२५
सकाळी : ११ ते सायंकाळी ७ वाजेपर्यंत
सहभागी कलाकार:
मिलिंद लिंबेकर,
सदानंद चौधरी, अभिषेक चौरसिया, शेखर तांडेकर,
मौक्तिक काटे, विनोद चाचेरे,
मिलिंद अटकले,
अक्षय तिजारे, वीरेंद्र चोपडे
.jpg)
