एक्सपोपीडिया प्रस्तुत करता है अमलगमेशन-13 (चित्रों और मूर्तियों की प्रदर्शनी)

 

अमिताभ अशेष यांचा 'युफिझम' – चित्रकलेतील नवा दृष्टिकोन जहांगीर आर्ट गॅलरीत चित्र प्रदर्शन

चित्रकार : अमिताभ अशेष

आंतरराष्ट्रीय ख्यातीचे चित्रकार अमिताभ अशेष यांचे "युन भि" हे नाविन्यपूर्ण चित्रकला प्रदर्शन जहांगीर आर्ट गॅलरी, काळा  घोडा येथे आयोजित करण्यात आले आहे. हे प्रदर्शन १० जून ते १६ जून २०२५ या कालावधीत रसिकांसाठी खुले असेल.

या प्रदर्शनात ते युफिझम या संकल्पनात्मक शैलीद्वारे सादर आपल्या कलाकृती प्रदर्शित करत आहेत. IIT आणि स्टॅनफोर्ड विद्यापीठाच्या कला विभागाचे माजी विद्यार्थी असलेल्या अशेष यांनी Bay Area Figurative Movement चे अग्रणी कलाकार फ्रँक लोबडेल यांच्यासह अनेक आधुनिक गुरूंकडून प्रशिक्षण घेतले आहे.

 

युफिझम ही शैली दृश्य, अदृश्य, आणि भावनिक घटकांना एकत्र आणते. या दृष्टिकोनात पावसाच्या थेंबांमधून मण्यांची माळ तयार होते, समुद्राच्या लाटा पदरासारख्या वाहतात, तर खिडक्या प्रकाशाच्या ठोस आकृतींमध्ये रूपांतरित होतात. अमिताभ अशेष यांची चित्रशैली हि अनेक वर्षाच्या कलासाधनेतून तयार झाली आहे. 'युफिझम' या त्यांच्या वेगळ्या प्रयोगामुळे चित्रकला क्षेत्राला एक नवा कल्ट मिळू शकतो. मॉडर्निझम, सरिऍलिझम, क्युबिझम या चित्रकलेतल्या नव्या वाटा होत्या. अनेक जणांनी या वाटेवरून कलासाधना केली. पण त्यानंतर नवा कल्ट तयार झाला नाही. पण अमिताभ यांच युफिझम चित्रकला क्षेत्राला एक नवी वाट देतो. ज्यातून चित्रकला क्षेत्रात नव्या युगाची निर्मिती होण्याच्या शक्यता तयार होतात. 

 

अमिताभ यांच्या चित्रांना त्यांच्या वैयक्तिक अनुभवांचा स्पर्श आहे – पोहणे, टेनिस, बागकाम आणि विविध देशांतील लोकांशी मैत्री ही त्यांची प्रेरणास्थाने. त्यांच्या प्रत्येक चित्रासोबत एक लघुकविता दिलेली आहे, जी त्या चित्राचा अर्थ अधिक खोलवर उलगडते आणि प्रेक्षकांना साहित्यिक संदर्भातून संवाद साधण्याची संधी देते. अमिताभ यांच्या चित्र विषयांमधून बंगळुरूच्या ब्रिगेड रोडचे दृश्य, घरगुती जेवण, रस्त्यावरील भुकेल्या कुत्र्यांना अन्न देणारे हात – हे सगळं वेगळ्या नजरेतून टिपले गेले आहे.

 

अमिताभ अशेष  युफिझम ही प्रतिमांच्या नव्या प्रकारासाठी एक संकल्पनात्मक मंच आहे. हे रचनात्मक तत्त्वे आणि सौंदर्यशास्त्र व विषयवस्तूंच्या मुळाशी असलेली मांडणी सादर करते.वरिष्ठ चित्रकार वनीदास मंगथिल यांच्या मते, “युफिझम ही शैली संपूर्णपणे वेगळी आहे, अतिशय नाविन्यपूर्ण आणि प्रेरणादायी असलेली हि एक नवदृष्टी आहे, जी समजून घेणं आणि शोधणं आवश्यक आहे. ”

सदर प्रदर्शन हे रसिकांसाठी दि १० ते १६ जून दरम्यान सकाळी अकरा ते संध्याकाळी सात वाजेपर्यंत खुले असेल. चित्रकलेतील नव्या शक्यतांचा अनुभव घेण्यासाठी आवर्जून भेट द्यावी असे हे प्रदर्शन आहे.

चित्रकार:  अमिताभ अशेष

स्थळ: जहांगीर आर्ट गॅलरी, काळा  घोडा, मुंबई

कालावधी: १० जून ते १६ जून २०२५

सकाळी ११ ते सायंकाळी ७ या वेळेत

जहांगीर आर्ट गॅलरीत “इनक्रेडीबल लाईफ स्टाईल ऑफ इंडीयन बाबुमोशाय” हे पिंटू पौल यांचे चित्र प्रदर्शन

 

सुप्रसिद्ध चित्रकार पिंटू पौल यानी अलिकडच्या काळात काढलेल्या चित्रांचं “इनक्रेडीबल लाईफ स्टाईल ऑफ इंडीयन बाबुमोशाय”  हे चित्रप्रदर्शन मुंबईत मांडलं असून सदर प्रदर्शन जहांगीर आर्ट गॅलरी, काळा घोडा, मुंबई ४०० ००१ येथे पहायला मिळेल. दि. २७ मे ते २ जून २०२५ या काळात सकाळी ११ ते सायंकाळी ७ या वेळेत हे प्रदर्शन सर्व कलारसिकांना विनामुल्य खुलं राहील.  एक्रिलिक आणि मिक्स मिडीया रंगातील कॅनव्हास व पेपर वरची अप्रतिम चित्रं या प्रदर्शनात मांडण्यात आली आहेत.

चित्रकार: पिंटू पौल

जन्मताच कलाकाराचा हात घेवून आलेल्या पिंटू पौल यानी कोणतही औपचारीक कला शिक्षण घेतलेलं नाही, असं असलं तरी त्यांच्या घराण्यात चालत आलेल्या कलेचा वारसा मात्र त्यानी पुढे चालवला आणि कलेला प्रतिष्ठा मिळवून दिली. पौल यांचे आजोबा मातीची भांडी बनवण्या बरोबरच मातीपासून अनेक देवदेवतांच्या शिल्पकृतीही बनवत असंत. पिंटू पौल यांचे वडील फणी भुषण पौल हे दागिन्यांचे रचनाकार होते. पिंटू पौल यांनी श्री. समर भौमिक यांच्या मार्गदर्शनाखाली आपल्या चित्रकलेला मुर्त स्वरूप दिलं.

हिंदुस्थानच्या पारंपारीक लोककला प्रकारातील चित्रांचा एका तपाहून जास्त अभ्यास करून त्या कलाप्रकारात आपला स्वतंत्र ठसा या कलाकाराने उठवला आहे. चाळीसाव्या दशकातील त्रिमिती सदृष्य चित्रकलेचा वारसा पुनरुजिवीत करण्यात या कलाकाराला यश आले असून हे प्रदर्शन म्हणजे त्या चित्रांचा सुरेख देखावाच आहे. निसर्गचित्र, मुर्तचित्र, भावभावना अशा प्रकारच्या चित्रप्रकारांचा प्रवास करत असताना पौल यांनी त्या चित्रकला प्रकारातही रसिकांची दाद मिळवली आहे.

 

भारतीय समाजातील स्त्री, तीचे अनेक जीवन स्तर, नजाकत, सौदर्य, भावना या बरोबरच जुन्या जाणत्या लोकांचं चित्रण पौल यांच्या चित्रामधून पहायला मिळतं. त्यांच्या त्रिमिती असलेल्या चित्रांत कमनिय बांध्याच्या परंपरागत वेशातील स्त्रीया गडद रंगातील कपड्यात चितारण्यात आल्या आहेत.