 |
चित्रकार: संतोष मोरे |
चित्रकार संतोष मोरे यांनी लिहिलेल्या How to Become a Disciplined artist ( शिस्तबद्ध कलाकार कसे बनावे ) या पुस्तकाचा प्रकाशन सोहळा मंगळवार दिनांक १ एप्रिल २०२५ रोजी सायंकाळी ५.३० वाजता कला क्षेत्रातील दिग्गज, मान्यवरांच्या हस्ते होणार आहे. संतोष मोरे यांच्या कलात्मक प्रवासाची मुळे निसर्गाच्या गूढ आकर्षणात आणि त्यांच्या मातीतल्या समृद्ध सांस्कृतिक वारशात खोलवर रुजलेली आहेत. त्यांच्या कलाकृतींमध्ये अमूर्त रूपे अनियंत्रित उर्जेच्या प्रवाहासारखी एकमेकांत मिसळतात आणि विलीन होतात.
"Echoes of Metaphor" मध्ये मोरे यांच्या कलाकृती निःशब्द संवाद साधतात- त्या ठामपणे कोणताही अर्थ लादत नाहीत, परंतु असंख्य शक्यता आणि अर्थांच्या शोधाला चालना देतात. त्यांच्या अस्पष्टतेतच त्यांचे सामर्थ्य दडले आहे- दृश्य आणि अदृश्य यांचा संगम घडवणारे आणि प्रेक्षकाला अंतर्मनाच्या अनामिक प्रवासाकडे खेचणारे. हा संवाद केवळ कॅनव्हासपुरता मर्यादित राहत नाही, तर तो प्रेक्षकांच्या चित्तावर खोल परिणाम करतो. हे प्रदर्शन हरवण्याचा, नव्याने शोध घेण्याचा आणि दृश्यसंवेदनांचे गूढ उलगडण्याचा एक विलक्षण अनुभव घडवते.
संतोष मोरे हे ३२ वर्षांहून अधिक काळ समकालीन भारतीय कलेत एक प्रभावी चित्रकार राहिले आहेत. मुंबई विद्यापीठातून बी.एफ.ए. पदवी प्राप्त केलेल्या मोरे यांच्या कलाकृतींमध्ये अमूर्तता आणि गूढ रूपकात्मक संवाद यांचा सर्जनशील संगम आढळतो. जहांगिर आर्ट गॅलरी, CIMA गॅलरी, गॅलरी आर्ट अँड सोल, गॅलरी आर्टिक्युलेट, गॅलरी गिल्ड आणि बॉम्बे आर्ट सोसायटी यांसारख्या मान्यताप्राप्त कलादालनांमध्ये त्यांच्या चित्रप्रदर्शनांचे आयोजन झाले असून, त्यांनी अनेक राष्ट्रीय आणि आंतरराष्ट्रीय सन्मान प्राप्त केले आहेत.
चित्रकार: संतोष मोरे
जहांगीर आर्ट गॅलरी, काळा घोडा,
१ एप्रिल ते ७ एप्रिल २०२५
सकाळी ११ ते सायंकाळी ७ वाजेपर्
कोणत्याही टिप्पण्‍या नाहीत:
टिप्पणी पोस्ट करा